Во изминатово деноноќие од направени 1.002 тестови регистрирани се 55 нови случаи на Ковид-19, соопшти денеска Министерството за здравство. Од нив во Скопје се 39, Битола – 4, Гостивар–3, Куманово и Штип – по 2, Прилеп, Велес, Струмица, Струга и Гевгелија – по 1. Од вкупниот број на позитивни (55), регистрирани се 8 реинфекции.
-Регистрирано е 61 оздравен пациент од: Скопје – 45, Битола – 6, Охрид – 3, Берово – 2, Куманово,Тетово, Кавадарци, Гевгелија, и Неготино – по 1, се наведува во информацијата.
Во текот на изминатите 24 часа не е пријавено ниту едно починато лице.
Вкупната бројка на КОВИД-дијагностицирани лица во нашата земја од почетокот на епидемијата изнесува 312.473, бројот на оздравени пациенти е 302.729, на починати е 9.313, а бројот на активни случаи изнесува 431.