Со тешки телесни повреди се здобило едно лице во сообраќајна несреќа што се случила денеска во близина на Драмски театар во Скопје.
МВР информира дека седумдесет и четиригодишен велосипедист се здобил со тешки телесни повреди откако денеска бил удрен од автомобил.
-Во 12:57 часот во СВР Скопје било пријавено дека на улица „Руѓер Бошковиќ”, во близина на Драмски театар, автомобил „Пежо” со скопски регистарски ознаки, управуван од В.А.(55) од Скопје, удрил во велосипедистот Б.В.(74) од Скопје. Во несреќата велосипедистот се здобил со тешки телесни повреди, констатирани во ГОБ „8-ми Септември”, се наведува во информацијата.
