Лејтон Кларксон, играчот за врска на Абердин, поранешен фудбалер на англискиот Премиерлигаш, Ливерпул, „смета клубот треба да стори се“ за да го задржи македонскиот репрезентативец Бојан Миовски и по јануарскиот преоден рок. Според шкотските медиуми, Селтик веќе подготвува понуда за 24-годишниот Миовски кој сезонава постигна 14 гола во сите натпреварувања.
– Тој е напаѓач со врвен квалитет. Би сакал да остане и знам дека тоа го сака остатокот од тимот и навивачите. Многу е важно да го задржиме Бојан, вели Кларксон. Миовски минатата сезона постигна 18 погодоци, а во истата форма игра и сезонава. Тој веќе даде 14 гола што е многу добро. Јас имам многу добра врска на теренот со него во однос на неговото движење, истакува Кларксон.
Миовски е голгетерска сензација во Шкотска откако Абердин го ангажираше од унгарскиот МТК Будимпешта за 616.500 евра во јуни 2022 година. Тој има договор со Абердин до летото 2026 година.
