Аеродром убедливо со најмногу заразени во Скопје, следуваат Карпош, Центар…

Скопската општина Аеродром и натaмау е убедливо на врвот меѓу скопските општини со активно болни од корона вирусот. Од денешните податоци на Министерството за здравство се гледа дека на нејзино подрачје има 534 заболен, што е за 88 повеќе од втората по ред, општина Карпош каде има 446 заболен.

По нив доаѓа општина Центар во која има 445 активно болни граѓани. По нив следат Кисела Вода – 320, Гази Баба – 280, Ѓорче Петров – 216, Чаир – 115 и Бутел – 111.

Активни случаи има и во Илинден – 36, Сопиште – 21, Петровец –17, Шуто Оризари – 16, Сарај – 16, Чучер Сандево – 9, Арачиново – 8, Зелениково – 8, Студеничани – 5, 12 се странци, а 59 нераспределени.