Апасиев: Tаче е уценет од Алијанса, власта воведува Апартхејт

Лидерот на Левица, Димитар Апасиев ја обвини власта односно премиерот Димитар Ковачевски дека под уцени од Алијанса прифатил етнички изводи. Според Апасиев ова е уште еден доказ дека власта сака да воведе Апартхејт.

-Она што – поради борбата на Левица во парламентот – не му успеа на Заев во договор со Беса (ЕТНИЧКИ ЛИЧНИ КАРТИ), сега го прави Таче уценет од Алијанса (ЕТНИЧКИ ИЗВОДИ ОД МАТИЧНО) – но, заобиколувајќи го парламентот, со противуставна промена на подзаконски акт!? Лудациве озбилно сакаат да воведат АПАРТХЕЈТ во Македонија!, напиша Апасиев на својот профил.

Ова реакција на Апасиев уследи откако Министерот за правда Кренар Лога го потпиша Упатството за изменување и дополнување на Упатството за начинот на водење, заштита и чување на матичните книги и списи; издавање на изводи, уверенија, преписи и копии врз основа на матичните книги; водење постапка и составување на записник за најдено дете; обновување на уништени, оштетени или исчезнати матични книги, како и за обрасците на матичните книги, регистарот на матични книги, изводите и уверенијата што се издаваат врз основа на матичните книги, каде ќе стои графа за етничка припадност.

Претходна вестВо северно Косово ноќта помина мирно
Следна вестЃорѓиевски: Владата за едни е мајка, а за други маќеа, некои општини добиваат милиони, а некои ниту денар