Јавен повик на кој како поедници ќе можат да се пријават приватните автобуски превозници ќе распише Градот Скопје, најави денеска скопската градоначалничка Данела Арсовска. На прес-конференцијата таа рече дека на повикот може д аучествуваат и приватни превозници кои досега возеле во рамките на двете здруженија „Макекспрес“ и „Слобода превоз“.
Арсовска ја отфрлинформацијата која вчера проструи во јавноста дека скопјани наскоро ќе ги возат автобуси сопственост на приватна фирма од соседството.
– Во Град Скопје освен што ќе возат автобусите на ЈСП, исто така Град Скопје изготви и нов јавен повик каде што на секој од досегашните поединечни превозници ќе му биде понудено директно и индивидуално да си аплицира, да си добие линија, со исполнување на условите кои ќе бидат објавени во јавниот повик и се со цел да може да се обезбеди соодветен јавен превоз, информираше Арсовска
Таа ги обвини двете приватни компании дека во изминатите 5 години од 2017 година не пријавиле продажба на ниту еден билет.
– „Макекспрес“ и „Слобода превоз“ од крајот на 2017 година досега немаат пријавено во продажба ниту еден продаден билет во автобусите. Иако пријавувале дека возеле околу 400.000 километри за еден месец, и за ова пресметувале по едно евро за извозен километар кој го фактуриреле во ЈСП не пријавиле ниту една продадена карта во автобус. Наједноставно, наплаќале билети, тие пари не ги пријавувале , се ставале во нечиј џеб најверојатно, а потоа фактурирале од ЈСП по 400.000 евра. Оваа шема трае цели 5 години. Ова е сериозно затајување на данок кој не е платен за овие изминати пет години и е нешто кое што не смее во ниту еден случај да се дозволи, потенцира Аросвска.
