Автомобил „голф“ насилно одземен од неговиот сопственик

Во попладневните часови на 15 мај полициски службеници од СВР Скопје го уапсиле Н.Д. (45) од селото Грчец, кој претходно истиот ден предизвикал инцидент на патот од Грчец кон Сарај.

Како што информираат од МВР, 45-годишникот го пресретнал А.А. (20) од селото Крушопек, и со физичка сила и со закана му го одзел автомобилот „фолксваген голф“, со скопски регистарски ознаки.

Според пријавеното од страна на А.А, причина биле нерасчистени должничко-доверителски односи помеѓу неговиот татко и Н.Д.

Автомобилот бил пронајден, а Н.Д. бил приведен во полициска станица и по целосно документирање на случајот против него ќе биде поднесена соодветна пријава.

Претходна вестОд 2.557 тестирања само 62 нови заболени од Ковид – 19, починале 14 лица
Следна вестБездомник починал во центарот на Скопје