Брачен пар од Штип загина во сообраќајна несреќа што се случила синоќа кај штипската неселба Македонка. Полицијата соопшти дека при судир на две возила, „југо“ и „опел астра“, на лице место починале возачот, 68-годишниот Г.П. и 62- годишната сопатничка Ј.П.
Автомобилот „опел астра“ го управувало 20-годишно момче од Штип, кое здобило телесни повреди. Полицијата синоќа изврши и увид кој треба да одговори кои се причините за незгодата.
Ова не е прва несреќа на овој потег на улицата „Брегалничка“ која води до приградските населби и индустриската зона Македонка, но е и излез и влез на Штип кон Кочани.
