Бројот на новозаболени никако да опадне: Нови 127 заразени, тројца починати

Во последните 24 часа се направени 702 тестирања, а регистрирани се 127 нови случаи на ковид-19, соопшти Министерството за здравство. Како и во изминативе денови најмногу заболени има во Скопје 67, Куманово 1, Дебар 1, Штип 33, Тетово 10, Струга 5, Охрид 6, Кочани 2 и Пробиштип 2. Бројот на заболените вчера изнесуваше 111, а во изминативе неколку дена и повеќе од тоа.

На Клиниката за инфективни болести и фебрилни состојби почина пациент од Куманово на 70 години, хоспитализиран на 4 јуни и двајца од Скопје, пациент на возраст од 62 години, хоспитализиран од 5 јуни и пациент на возраст од 78 години, хоспитализиран на 2 јуни, се наведува во информацијата.

Денеска Институтот за јавно здравје регистрира 7 оздравени пациентиСкопје 4, Тетово 2 и Гостивар 1

Вкупната бројка на ковид дијагностицирани во нашата земја од почетокот на епидемијата изнесува 3152, бројката на оздравени пациенти е 1653, на починати е 156, а во моментов бројот на активни случаи во земјата изнесува 1343, информира Министерството.

Досега во Македонија се направени вкупно 37027 тестирања на ковид -19. Од вкупниот број направени тестови во изминатото деноноќие 28 теста се во рамките на скринингот во градинки во Кочани, нема позитивни на ковид-19.