Со тешки телесни повреди се здобиле четири млади лица во сообраќајна несреќа што се случила рано изутрина кај Тивквешкото езеро. МВР соопшти дека на 13.03.2022 во 04.00 часот било пријавено дека на патот од брана на Тиквешко Езеро во правец на с.Возарци, патничко возило „сеат”, со кавадаречки регистарски ознаки, управувано од К.А.(20) од с.Возарци, излетало надвор од коловозот.
-Во несреќата со тешки телесни повреди се здобиле возачот и двајцата сопатници Н.М.(18), Р.Р.(19), а со телесни повреди се здобил сопатникот С.И.(20), сите од с.Возарци, констатираат од Општата болница во Кавадарци. Извршен бил увид од увидна екипа од Полициската станица Кавадарци, соопшти полицијата.
