Одлука со која се врши зголемување на малопродажните цени на нафтените деривати во просек за 0,31 отсто денеска донесе Регулаторната комисија за енергетика и водни услуги. Малопродажната цена на ЕУРОДИЗЕЛ (Д-Е В) се намалува за 1,00 ден/лит, додека малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит.
Малопродажната цена на Екстра лесното масло за домаќинство на (ЕЛ-1) се намалува за 1,50 ден/лит, додека цената на Мазутот М-1 НС се намалува за 0,321 ден/кг и сега ќе изнесува 41,667 ден/кг.
Од ноќеска на полноќ максималните цени на нафтените деривати ќе изнесуваат: Моторен бензин ЕУРОСУПЕР БС – 95 83,50 (денари/литар), Моторен бензин ЕУРОСУПЕР БС – 98 85,50 (денари/литар), Дизел гориво ЕУРОДИЗЕЛ БС (Д-Е В) 77,50 (денари/литар), Масло за горење Екстра лесно 1 (ЕЛ-1) 76,50 (денари/литар) и Мазут М-1 НС 41,667 (денари/килограм).
