Според најновата листа на Berkshire Hathaway Travel Protection за најбезбедни дестинации во светот за 2026 година, Холандија е прогласена за најбезбедна земја во светот. Ова е особено впечатливо бидејќи минатата година беше само на 14-тото место, што покажува значително подобрување во перцепцијата на безбедноста и условите за патување.
Главните причини за нејзиното искачување на врвот се:
-
Високо ниво на општа безбедност и мирољубивост,
-
Одличен здравствен систем и пристап до медицинска грижа,
-
Безбедна средина за жени, ЛГБТК+ лица и луѓе од различни етнички групи,
-
Силна инфраструктура и транспарентни институции.
Како што се наведува во извештајот, единствена реална забелешка е поврзана со високиот број велосипедисти во градовите, особено во Амстердам, каде што пешаците треба да бидат внимателни на велосипедските патеки.
View this post on Instagram
Австралија и Австрија во првите три
Второто место, втора година по ред, го држи Австралија. Нејзината безбедност е загарантирана со стабилен политички систем, ниска стапка на криминал и строги закони за оружје и биолошка безбедност. Иако е позната по своите опасни диви животни, извештајот само патемно ги предупредува туристите за строгите царински прописи.
Големо изненадување е Австрија, која дебитираше на листата и веднаш го зазеде високото трето место. Таа ја заработи својата позиција како четврта „најмирна земја во светот“ според Светскиот индекс на мир. Сепак, на патниците им се советува да бидат претпазливи поради можни демонстрации во Виена и џебни кражби во јавниот превоз.
Падот на Исланд и стабилноста на Канада
Исланд, кој според Глобалниот индекс на мир се смета за најмирна земја во светот, падна од прво на четврто место оваа година. И покрај прекрасните пејзажи, повремените вулкански ерупции се наведуваат како ризик.
Веднаш зад него, на петтото место, е Канада. Иако падна од третото место, таа е сè уште најдобро рангираната северноамериканска земја, пофалена за ниската стапка на криминал, економската стабилност и безбедниот транспорт.
Комплетен список за 2026 година.
Вкупниот ранг на 15-те најбезбедни земји за патување во 2026 година е:
– Холандија
– Австралија
– Австрија
– Исланд
– Канада
– Нов Зеланд
– Обединети Арапски Емирати
– Швајцарија
– Јапонија
– Ирска
– Белгија
– Португалија
– Франција
– Велика Британија
– Данска
Значителен напредок постигнаа Обединетите Арапски Емирати, скокнувајќи од 18-то на седмото место, додека Белгија и Франција се нови учесници на листата. Интересно е што Јапонија е прогласена за најбезбедно место кога станува збор за насилен криминал. Од друга страна, долгогодишните фаворити како Германија, Норвешка, Шпанија и Шведска испаднаа од листата оваа година.
Фото: Принтскрин/Instagram
МОЖЕБИ ЌЕ ВЕ ИНТЕРЕСИРА:
