Ѓото замина кај ангелите

„Ѓото замина кај ангелите“- се простија уметниците и пријателите на 72-годишниот Ѓорѓи Чулаковски – Ѓото, истакнат македонски графичар и професор во средното уметничко училиште и на Факултетот за ликовна уметност во Скопје, кој вчера почина.
-Посмртните останки ќе бидат изложени на 17 септември во 11 часот во капелата на градските гробишта во Битола. Почивај во мир професоре, објавија неговите ученици и колеги од „Лазар Личеноски“.
Роден е во 1947 година во селото Герман во Егејска Македонија, а потоа живеел во Битола, пред да дојде во Скопје. Магистрирал на Ликовната академија во Скопје, отсек графика, зад себе остави богато творешство, за кое што добил голем број меѓународни награди. Автор е на 20-тина самостојни изложби и над 100 колективни.