Град Скопје ќе помага на најранливите категории на граѓани со 240.000 евра

Одлука со која ќе им помогне на најранливите категории на граѓани со средства во износот од 15 милиони денари, односно, околу 240.000 евра донесе вчера Градот СкопјеОвие средства се предвидени со ребалансот на градскиот Буџет кој беше изгласан на седницата на Советот на Градот Скопје.

– Градот Скопје е град на солидарност, град кој по катастрофалниот земјотрес во 1963 бил разурнат и благодарение на солидарноста на пријателски држави и народи од целиот свет бил повторно изграден. Сега е време градот да покаже солидарност со оние граѓани на кој им е најпотребна помош. Време е да бидеме солидарни со ранливите категори на граѓани и со овие средства да им помогнеме да ја пребродат зимата. Овие средства во вредност од 15 милиони денари граѓаните за кои истите се наменети ќе можат да ги искористат за плаќање на своите сметки за електрична енергија кои од месец во месец вртоглаво растат, соопшти Градот Скопје.

Станува збор за еднократна парична помош за социјално загрозени семејства кои се најпогодени од кризата.

Помошта е наменета за самохрани родители, пензионери со ниски месечни примања, деца без родители како и други ранливи категории на граѓани. Да се биде хуман значи да се биде човек, идејата за модерно Скопје можеме да ја реализираме само ако сме сите заедно во овие тешки моменти за граѓаните на Скопје, се наведува во соопштението.

Претходна вестБез вода неколку улици во Бардовци
Следна вестИ милјардерот Џеф Безос ќе отпушта работници?