Јавен повик за изразување на интерес за посетување на бесплатна настава и обука за оџачари, објави Градот Скопје. Проектот “Оџачари за чисти печки и чист воздух во Скопје” е финансиран од Министерство за економска соработка и развој од Сојузна Република Германија и се реализира во соработка со збратимениот град Нирнберг.
Заинтересираните лица треба да имаат завршено најмалку средно образование, а истите можат да аплицираат со доставување на писмо за интерес, во кое задолжително ќе наведат: Име и презиме, датум на раѓање, адреса на живеење, контакт-телефон и адреса на електронска пошта. Писмото на интерес можат да го достават по пат на е-пошта на следната адреса – [email protected] или во печатена верзија (лично преку архива или по пошта) до Град Скопје, бул. Илинден бр. 82, 1000 Скопје, со назнака: За посетување на бесплатна настава и обука за оџачар во рамки на проектот „Оџачари за чисти печки и чист воздух во Скопје“.
Краен рок за доставување на писма за интерес е 15.05.2022 до 15.00 часот.
