Гранични полицајци завршија во Шутка, примиле поткуп за да пропуштат возило без зелен картон

Двајца гранични полицајци заврши во затворот во Шутка. Тие  примиле поткуп за да пропуштат влез на возило без зелен картон.

– Одделот за внатрешна контрола, криминалистички истраги и професионални стандарди до Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење организиран криминал и корупција – Скопје поднесе кривична пријава против полициските службеници А.В. и Н.С., вработени во полициската станица за граничен надзор Ќафасан, поради постоење основи на сомневање дека првопријавениот сторил кривично дело „примање поткуп“. Имено, првопријавениот на 13.05.2023 на Граничниот премин Ќафасан од возач кој управувал автобус со црногорски национални ознаки, за кој не поседувал важечки зелен картон, побарал и примил поткуп во паричен износ од 70 (седумдесет) евра, додека второпријавениот, го пропуштил возилото без важечки зелен картон и му овозможил непречено да оствари влез на територијата на Република Македонија. По преземени мерки и активности за целосно расчистување и документирање на кривично-правниот настан, во координација со надлежен Јавен обвинител, полициските службеници се лишени од слобода и изведени пред судија на претходна постапка, од чија страна им е одредена мерка притвор во траење од 30 дена, велат од МВР.

Полициските службеници ќе бидат суспендирани од работа до завршување на дисциплинската постапка.

Претходна вестПукање во Приштина, застрелал три лица со калашников, оружјето го сокрил во корпа за отпадоци
Следна вестПендаровски го одбил барањето за помилување на Катица Јанева