Искршени стакла и дупнати гуми на македонските возила во Калитеа и Афитос во Грција

Околу двесетина возила со македонски регистерски таблички се тешко оштетени во изминативе два дена во грчките летувалишта Калитеа и Афитос на Халкидики. Снимките на возилата на коишто им се искршени предните и задните стакла, како и на дупнати гуми, се објавени на социјалните мрежи.

На Фејсбук групата „Life from Greece“, еден член ја сподели оваа информација со други, за да ги информира за инцидентот.

– Ова е срамен чин на најобични будали, врз основа на кој цел еден народ ќе биде окарактеризиран како таков“ – напиша таа.

На социјалните мрежи прво се појавија снимките од оштетените возила во Калитеа. На оваа ФБ-група, наменета за српските туристи кои се на одмор во Грција, беа прикажани фотографиите на кои се гледаат три автомобили со скршени стакла. Два автомобили имаат таблички од Битола. Администраторот препорача сите вакви инциденти да се пријават во полициската станица во Касандрија и да се бараат снимки од камера за да бидат откриени насилниците и вандалите.

По ова, се појавија и снимките од оштетените возила од летувалиштето Афитос.

Се уште нема информации дали грчката полиција постапува по овие случаи кои и биле пријавени.

Претходна вест39 пешаци во Скопје стасале до казни
Следна вестГром предизвика пожар во четири куќи во Прилеп