Изгоре познатиот ресторан „Лајт клуб“ кој се наоѓа на во центарот на Скопје во близина на Автомото сојузот на Македонија. Пожарот избувнал рано утринава повредени лица нема, но е причинета материјална штета.
Од Министерството за внатрешни работи информираат дека во СВР Скопје во 04:33 часот е пријавено дека на улицата „Митрополит Теодосиј Гологанов“ избувнал пожар во угостителски објект.
– Денеска (13.03.) во 04.33 часот во СВР Скопје било пријавено дека на ул.„Митрополит Теодосиј Гологанов“ настанал пожар во угостителски објект, при што опожарени биле внатрешноста на објектот и кровна конструкција. Повредени лица нема. На местото на настанот се излезени полициски службеници и Бригадата за противпожарна заштита, информираат од МВР.
Во гаснењето на пожарот интервенирале девет пожарникари и четири возила.
