Македонскиот кошаркар Андреј Јакимовски постигна одлични резултати со својот клуб Вашингтон Стејт Универзитет во мечот против Универзитетот Калифорнија кој се одигра вчера, а во кој неговиот тим имаше убедливо водство со резултат од 69:52. Тој за нецели 30 минути на теренот успеа да даде 10 поени но и да загуби еден заб.
Ова е втора година како тимот на Јакимовски го елиминира истиот ривал уште во првата рунда од конференцискиот плеј-оф.
Инаку, Македонецот одигра 29 минути на теренот, за тоа време успеа да постигне 10 поени и четири скока. Покрај добрата игра се случил и несреќен случај во кој Јакимовски го загуби предниот заб по што морала да интервенира и медицинска екипа.
Ова е првпат од јануари 1983 година Вашингтон Стејт да победи седум натпревари по ред против ривали од својата конференција.