Во вечерашниот натпревар против Белгија нашата фудбалска репрезентација во Гент ќе им гостува на Белгијците како првопласирана селекција во групата. Благоја Милевски веќе има за што да е горд на овие репрезентативци но главната цел е пласман на Светското првенство 2026.
Иако Белгија е фаворит на групата и на натпреварот Милевски верува дека неговите избраници можат до позитивен резултат.
-Можам да кажам дека сум горд на моите фудбалери, и тоа не само во овие квалификации, туку и во претходните години. Со настапот во Лигата на нации, со овој циклус, со речиси загарантиран плејоф. Тоа е изворот на енергијата што ни е потребна за да се движиме напред. Белгија има неверојатен ростер, тие се и понатаму фаворити во групата, но ние продолжуваме да сонуваме и не очекуваат решавачки натпревари. Ќе сториме се за да ја оствариме нашата цел. Имаме прекрасни момци, кои секогаш го даваат максимумот и се тука за Македонија”, изјави селекторот Милевски.
Македонија има на што да се надева, на добра игра и на добар пристап на натпреварот, а Милевски треба да ги спреми последните исправки пред дуелот.
Натпреварот меѓу Македонија и Белгија во Гент ќе се игра денес со почеток од 20:45.
МОЖЕБИ ЌЕ ВЕ ИНТЕРЕСИРА:
