„Лабораториум“ отвора можност за млади уметници со поддршка и хонорар

Културниот центар „Лабораториум“ распиша повик за млади артисти на возраст од 18 до 25 години за учество во иницијативата „Градски ѕид – Нови лица“, преку која ќе бидат избрани осум учесници од различни уметнички области. Повикот е отворен за музичари, ликовни уметници, писатели, актери, режисери, танчери, фотографи и дизајнери, како и за други млади креативци.

Избраните ќе добијат менторска поддршка, логистика и авторски хонорар, а нивните дела ќе бидат презентирани пред јавноста. Иницијативата е поддржана во рамки на проектот „Култура за развој“ на Владата на Швајцарија, кој се имплементира од Хартефакт Фонд.

Пријавувањето е отворено до 26 април преку laboratorium.mk.