Реал Мадрид ќе мора привремено да игра без својата најголема ѕвезда, откако Килијан Мбапе заработи повреда на коленото поради која ќе паузира околу две недели. Францускиот напаѓач веќе го пропушти реванш-натпреварот од осминафиналето во Лигата на шампионите против Бенфика, а нема да биде во составот ниту за претстојните дуели во Ла Лига против Хетафе на домашен терен и Селта на гости.
Во таборот на „кралевите“ главната цел е Мбапе целосно да се рехабилитира и да биде подготвен за првиот меч против Манчестер Сити во нокаут-фазата од Лигата на шампионите, закажан за 10 март на „Сантијаго Бернабеу“.
Очекуваното соочување меѓу Реал Мадрид и Манчестер Сити и оваа сезона се најавува како едно од најатрактивните во елитното европско натпреварување.
