Мистериозното кинеско вселенско летало се врати на Земјата

Експерименталното кинеско вселенското летало без екипаж се врати во центарот за лансирање Џиукван во северозападна Кина во понеделникот како што беше планирано, јавуваат државните кинески медиуми. Не беа дадени детали за кое вселенско летало се работи, какви технологии биле тестирани, колку високо летало и каде го однела неговата орбита од лансирањето на почетокот на август 2022 година.

Сликите на леталото, исто така, допрва треба да бидат објавени во јавноста.

Тестот означува „важен“ напредок во истражувањето на Кина за технологијата за повеќекратно користење на вселенските летала што ќе обезбеди поудобен и поевтин начин за испраќање идни вселенски мисии, објавија државните медиуми.

Во 2021 година, слично вселенско летало полета до работ на вселената и се врати на Земјата истиот ден во мисија која исто така во голема мера беше чувана во тајност. Тоа летало слетало на Земјата „хоризонтално“, според главниот кинески изведувач во тоа време.

Коментаторите на кинеските социјални мрежи шпекулираат дека Пекинг развива вселенско летало како Х-37Б на американските воздухопловни сили, автономен вселенски авион кој може да остане во орбитата со години.

Беспилотниот и повторно употреблив X-37Б се врати на Земјата минатиот ноември на својата шеста мисија, по повеќе од 900 дена во орбитата.

Претходна вестЗапалените возила на Бит-пазар се на скопјанец и двајца гостиварци
Следна вестЗагина пешак на автопатот Скопје -Тетово