Му нашле дома дрога и куршуми

Уапсени две лица во Скопје. Имено, полицијата лишила од слобода двајца скопјани на возраст од 25 и 32 години при извршен претрес во дом во населбата Ѓорче Петров.

Од МВР информираат дека  при претресот на домот на 25-годишниот Д.П., кој бил извршен со судска наредба, биле пронајдени марихуана, дигитална вага со остатоци од прашкаста материја и куршуми од непознат калибар.

При претресот во куќата бил затекнат и 32-годишниот В.Т., кој исто така бил уапсен.

По целосно документирање на случајот, против нив ќе биде поднесен соодветен поднесок.