На патот Штип – Кочани загина 21-годишно момче од скопско Кадино

Младо момче загина во сообраќајна несреќа што се случила утринава на магистралниот пат Штип – Кочани, соопшти полицијата.

Според СВР Штип, околу 5.20 часот  било пријавено дека на магистрален пат Штип – Кочани, на место викано „Брилијант”, патничко возило „опел астра” со скопски регистарски ознаки, управувано од К.Т. од Скопје, удрило во 21-годишниот А.Ѓ. од село Кадино, скопско и во А.П. од село Трубарево, скопско, кои претходно патувале во истото возило.

-Двајцата се здобиле со повреди и биле пренесени во Клиничка болница Штип, каде што во 7.15 часот А.Ѓ. починал , а кај А.П. биле констатирани телесни повреди, се наведува во информацијата.