Штетата предизвикана од разорниот земјотрес во Турција ќе надмине 100 милијарди долари. Ова го соопштија од Програмата за развој на Обединетите нации (УНДП).
– Oд претходните пресметки презентирани од владата и поддржани од меѓународните партнери е јасно дека штетата би можела да надмине 100 милијарди долари, изјави претставникот на УНДП, Луиза Винтон, преку видео врска од Газиантеп, а пренесува „Ројтерс“.
Таа рече дека оваа прелиминарна бројка се користи како основа за донаторската конференција за собирање средства за жртвите од земјотресот во Турција и Сирија во Брисел, која е планирана за 16 март.