Ниски облаци и температура до 9 степени

Во Скопје денеска претпладне ќе има појава на магла и ниска облачност, која во текот на денот ќе се намали. Минималната температура ќе се спушти до 1, а максималната ќе достигне 9 степени.

Во останатиот дел од Македонија ќе биде сончево со мала до умерена облачност и со слаб до умерен ветер од северозападен правец. Претпладне по котлините ќе има појава на магла и ниска облачност кои во текот на денот ќе се намалат.

Минималната температура ќе биде во интервал од -1 до 6, а максималната ќе достигне од 7 до 15 степени.

Следува период на стабилно и суво време. По котлините во претпладневните часови ќе има појава на магла и ниска облачност.

Претходна вестФилмот „Улиште“ со македонска копродукција на „Санденс“
Следна вестТрагедија: Почина 40-годишна медицинска сестра од корона вирусот