Од ноќеска на полноќ се зголемуваат цените на нафтените деривати, информираше Регулаторната комисија за енергетика и водни услуги (РКЕВУ). Цените поскапуваат во просек за 1,22 проценти.
Цените на бензините ЕУРОСУПЕР БС – 95 и ЕУРОСУПЕР БС – 98 се зголемуваат за еден денар по литар и тие ќе изнесуваат 82,5 денари, односно 84,5 денари за литар. За еден денар поскапува и Екстра лесното масло за домаќинство кое ќе се продава по цена од 78 денари за литар.
Дизел горивото ќе поскапи за половина денар, па од ноќеска литар Еуродизел ќе се продава по цена од 78,5 денари за литар, додека цената на мазутот се зголемува за 0,7 денари и според новата цена ќе се продава за 42 денари по литар.
