Извлечено е беживотното тело од провалијата кај месноста Пресек во близина на Неготино и Демир Капија по четиридневните обиди на спасувачките екипи. Трупот е извлечен во текот на вчерашниот ден во заедничката акција на повеќе служби.
-На 30.03.2023 година во заедничка спасувачка акција на полициски службеници од ОВР Неготино, САЕ Тигар и двајца алпинисти од Алпинистичко друштво „Скала“ од Струмица, од бездна во место викано Просек во Демир Капија е извлечен човечки труп, кој по овластување на јавен обвинител е предаден на обдукција, потврдија од СВР Велес
Овој случај беше пријавен во понеделник од случаен минувач, планинар кој прв го забележал беживотното тело.
Се уште не е познато дали човечкото тело припаѓа на маж или на жена, а не е откриен ниту податок за физиономијата, ни за облеката на починатото лице.
По завршување на сите законски процедури МВР информира дека ќе го утврдат идентитетот на лицето.
