Завршува реконструкцијата на пешачките патеки во Градскиот парк која опфаќа површина од 9.000 квадратни метри, соопшти денеска Градот Скопје.
Во информацијата се наведува дека екипите на ЈП „Улици и патишта – Скопје“ поналог на Град Скопје во изминатите месеци целосно ги реконструираа патеките зад Зоолошката градина, кај Сточарскиот институт и патеките зад Луна паркот.
-Реконструкцијата на пешачките патеки се реализираше во фази и се одвиваше на вкупна површина од 9.000 квадратни метри. Патеките се со променлива должина и широчина и бидејќи се целосно реконструирани и асфалтирани, граѓаните може да ги користат за прошетки и рекреација, се наведува во информацијата.
Со завршувањето на реконструкцијата на патеките во овој дел од паркот, во наредните денови екипите продолжуваат со активности за реконструирање на пешачките патеки во внатрешноста на паркот на површина од околу 2.800 квадратни метри.
Да се надеваме дека на ред ќе дојде и потемелното чистење на езерцата.
