Желбата на некои жени да имаат деца е толку силна што им пркосат на науката и природата. Така Мауриција Ибанез роди близнаци пред повеќе од пет години, на 64-годишна возраст! Таа родила деца со вештачко оплодување, но децата веднаш биле преземени од социјалните служби со образложение дека мајката не е способна да се грижи за нив.
Шпанскиот Врховен суд, како највисок судски орган во таа земја, тогаш врз основа на судската одлука во Бургос пресуди дека Маурициja не е способн да им обезбеди на децата оптимални можности за живот. Тие ставија крај на четиригодишната правна битка во која мајката на близнаците се обиде да го оспори судскиот налог за одземање на нејзините близначки Габриела и Марија де ла Круз, кои ги роди по третман со ИВФ во САД. Таа сепак не успеа во тоа.
Судот наведува дека децата биле во ранлива ситуација поради неможноста на нивната мајка квалитетно да соработува со социјалната служба. Од судот велат дека одлуката ја засновале на проценка на вештаци, а не врз основа на возраста или менталното здравје на жената. Во соопштението на судот во Бургос во моментот на нивната пресуда, се наведува дека карактерните црти на мајката значително влијаат на психосоцијалниот развој на малечката. Велат дека децата живеат во изолација без никакви врски со другите членови на семејството, како и без поддршка од општеството.
Близнаците сега имаат речиси шест години, а социјалната служба ги сместила во згрижувачко семејство веднаш по нивното раѓање. Ибанез потпишала документ со социјалната служба, во кој навела дека ќе ангажира асистент кој ќе и помага во секојдневното домаќинство и грижа за децата. Но, само 10 дена по враќањето од едномесечното породилно одделение, властите заклучија дека близнаците се изложени на висок ризик.
