Светското првенство во фудбал почна успешно за фудбалскиот мајстор Кристијано Роналдо. Тој на првиот натпревар постигна гол. Со ова тој е единствен играч кој постигнал гол на 5 Мундијали по ред.
– Ова е одличен момент – гол на моето петто Светско првенство. Победивме, добро го започнавме турнирот. Многу важна победа. Знаеме дека во вакви натпреварувања клучна е победата во првиот натпревар. И уште еден рекорд, да. Јас сум единствениот кој постигнал гол на пет Светски првенства по ред и горд сум на тоа. Драго ми е што тимот покажа одличен фудбал. Беше тешко, но остваривме заслужена победа. Поглавјето во Манчестер јунајтед е затворено, јас сум фокусиран само на Светското првенство. Победивме, му помогнав на тимот. Останатото не е важно, рече 37-годишниот.
Роналдо има шанса да даде нови гололови веќе на следен противник – репрезентацијата на Уругвај со која Португалија ќе си ги одмери силите на 28 ноември.
