Маж од Неготино е лишен од слобода поради сомнение дека присилил жена од Скопје на полови дејствија, ја снимал и потоа ја уценувал со видеоматеријалот, соопшти Министерството за внатрешни работи.
Осомничениот е 29-годишниот Р.М. од Неготино. Тој бил приведен на 6 декември околу 01:00 часот во општина Аеродром, откако 41-годишна жена од Скопје пријавила дека на 2 декември, во стан во Центар, била присилена на сексуален чин и снимана со мобилен телефон.
По настанот, мажот ѝ упатувал закани и барал пари за да не го објави видеото на социјалните мрежи. МВР информира дека ќе биде поднесена соодветна кривична пријава по целосно документирање на случајот.
МОЖЕБИ ЌЕ ВЕ ИНТЕРЕСИРА:
