Пливање среде улица овозможи упорниот дожд во Аеродром. Додуша не е заслужен само дождот, ама факт е дека на многу места во општината која се фали дека е најурбанизирана во Скопје има цели езера на раскопаните или недонаправени улици.
И во едно така поголемко езеро младо момче од Аеродром фино се разладилo. Тоа уживање го споделилo и на социјалните мрежи.
-Не знам што барате во Охрид да одите кога тука си имаме перфектна плажа, вели на видеото младиот аеродромец, кој си постави пешкир на „плажата“ и си влезе во езерцето.
Соседи од зградите му ракоплескаат, а еден најави и дека ќе му се приклучи во „пливањето“.
Од она што може да се види од видеото, водата е измешана и со кал. Дали оваа кал е лековита бидејќи потекнува од елитната скопска општина Аеродром, се уште не се знае. Очекуваме тоа да го истражат надлежните во општината.
