Скопје денеска ја одбележува 62. годишнина од катастрофалниот земјотрес што се случи на 26 јули 1963 година. Во земјотресот животот го загубија 1.070 лица, а 3.000 беа повредени.
Архивска фотографија направена неколку дена по катастрофалниот земјотрес во Скопје во 1963 година. На неа се гледа разурнатата Железничка станица и луѓе кои седат на отворено со дел од својата покуќнина.
Катастрофалниот земјотрес во Скопје се случи на 26 јули 1963 година, во пет часот и 17 минути.
Скопје пред точно 62 години беше погоден од катастрофален земјотрес во кој животот го загубија 1.070 лица, а околу 3.000 беа повредени.
Во знак на почит и сеќавање на жртвите во катастрофалниот земјотрес, делегации од Собранието и од Градот Скопје положија цвеќе пред Споменикот на загинатите во земјотресот на градските гробишта Бутел.
Премиерот Христијан Мицкоски денеска на Фејсбук напиша дека земјотресот е потсетник дека животот може да се промени за миг. Премиерот нагласува дека солидарноста и заедништвото се темел за обновата на градот и дека денес „се сеќаваме не само на болката, туку и на светлината што ја донесоа луѓето од светот“:
„Земјотресот нѐ потсети дека животот може да се промени за миг. Но и дека во најтешките моменти токму солидарноста, човечноста и заедништвото се темелот врз кој можеме повторно да го изградиме градот. Скопје е денес симбол на истрајноста и солидарноста!“, пишува меѓу другото Мицкоски.
МОЖЕБИ ЌЕ ВЕ ИНТЕРЕСИРА:
