Македонската метропола утринава одново е меѓу најзагадените престолнини во светот. Според листата којашто ја објавува веб-страницата www.iqair.com/world-air-quality-ranking, Скопје во 9 часот утринава било на седмо место според степенот на загаденоста на воздухот. Страницата објавува податок дека воздухот е „нездрав“ и дека има индекс на загаденост од 172. Најприсутни се честичките ПМ 2,5 – 96,9 микрограми на кубен метар а има и НО2 и СО2.
Во светот утринава најзагаден град е Лахоре во Пакистан со индекс на загаденоист 223.
Греење на дрва на домаќинства, градежна прашина но и интензивниот сообраќај се главни причини за загаденоста на воздухот. Скопје и неодамна беше во врвот на загаденоста. Но и тогаш, градските власти не пoсегнаа по некои мерки за да се ублажат последиците на загадувањето.