Македонските ракометари направија голем чекор наназад кон пласман на Европското првенство. Словенечките репрезентативци на гости во Скопје ја совладаа македонската репрезентација со 32:26 и се зацврстија на првото место во групата 1 со максимални шест бода, додека нашите останаа на два и моментално се на третата позиција, зад Литванија која собра четири.
Македонските ракометари водеа по првото полувреме со 16:15, но во вториот дел многу подобра беше Словенија која го доби со 17:10 и на крајот победи со убедливи 32:26.
Фантастична партија одигра словенечкиот дефанзивец Алекс Влах, кој постигна 10 гола, а исто толку за домашниот тим постигна и Филип Кузмановски.
Македонија: Митревски (7 одбрани), Кизиќ (1); Велковски 1 (голови), Ц.Кузмановски 1, Ѓоргиев, Митев 5, Карасманакис, Ф.Кузмановски 10 (2), Костески 2, Пешевски 4, Јагуриновски, Лазаревски, Џонов 2, Стојковиќ, Серафимов 1 (1), Атанасијевиќ.
Словенија: Базник (13 одбрани), Лесјак (0); Благотиншек 4, Б. Јанц 7, Маргуч, Тајник, Јовичич Слатинек, Кодрин 3, Хоржен 4, Чокан, Мливиќ 1, Макуц 2, Грошељ 1, А. Кавчич, Влах 10 (1), Сухолезник; 
