АКТУЕЛНО

Собранието конечно ја изгласа новата влада

30/08/2020 23:41

Со 62 гласа ЗА, 51 против, и без воздржани, Собранието го изгласа новиот владин состав предложен од мандатарот Зоран Заев. Вчера и денеска пратениците во парламентот расправаа за составот и за владината програма

ВМРО-ДПМНЕ најави дека мандатот на оваа влада ќе биде најкраток, и се заканија со демонстрации на улиците за уривање на Владата предводена од Зоран Заев.

Мандатарот Заев најпрво го образложи новиот владин состав. „Копјата“ се кршеа околу тоа дека во предизборната кампања, СДСМ и ДУИ меѓусебно си упатувале остри стрели, а после изборите најдоа заеднички јазик за владина коалиција.