Сончево и топло време најавува Управата за хидрометеоролошки работи (УХМР) за денеска. Ќе дува слаб до умерен ветер од јужен правец.
Минималните температури ќе се движат од 8 до 17 Целзиусови степени, а максималните од 24 до 33 степени.
Сончево и топло ќе биде и во Скопје. Ќе дува слаб ветер од југоисточен правец. Темепратурите ќе се движат од минимални 13 до максимални 32 степени.
Релативно високите температури и сончевото време ќе се задржат и на првиот ден од викендот. За в недела, пак, синоптичарите најавуваат поголема промена на времето со повремени врнежи од дожд и засилен северен ветер, што ќе продолжи и в понеделник, кога се очекува значителен пад на температурите, за 8 до 10 степени.
