Започната е целосна реконструкција на спортската училишна сала во основното училиште „Панајот Гиновски”. За ова информираше градоначалникот на Општина Бутел, Дарко Костовски
„По 70 години старата дотраена спортска сала ќе замине во историја. Со реконструкцијата ќе биде поставен целосно нов под со нова подлога. Ќе се добијат и нови соблекувални, а ќе се реконструираат и санитарните јазли, истакна градоначалникот.
Тој воедно најави дека наскоро ќе започне и доградбата на ова општинско основно училиште, со што би се овозможило одвивање на наставата во една смена.
