НАТО ја следи ситуацијата во Полска по извештаите дека руска ракета можеби навлегла во воздушниот простор на земјата-членка на Алијансата, изјави генералниот секретар на Алијансата, Јенс Столтенберг, на социјалната мрежа Х, цитиран од британските медиуми.
-Разговарав со (полскиот) претседател Анджеј Дуда за ракетниот инцидент во Полска. НАТО останува солидарен со нашиот ценет сојузник, ја следи ситуацијата и ќе одржува контакт додека се разјаснат фактите, увери Столтенберг и додаде дека „НАТО останува буден“.
