Студентите со протестен марш во Ниш ја продолжуваат борбата за „Праведна и подобра Србија”

Студенти и граѓани синоќа во Ниш и порачаа на српската власт дека нема да се откажат од борбата за „праведна и подобра Србија”. Тие реагираат дека предолго слушаат празни ветувања и сведочат на бришење на границата меѓу партијата и државата, институциите се претвораат во партиска сопственост. Со 16-минутен молк им се оддаде почит на загинатите во падот на настрешницата на Железничката станица во Нови Сад.