Необична предновогодишна посета деновиве имаа најмалите пациенти од Клиниката за детски болести во Скопје. Волонтерите на Тимот за одговор при катастрофи – Тим за спасување на планина од Црвениот крст на град Скопје, облечени во костимите на детските херои со јажиња се спуштија на Клиниката и им приредија пријатно изненадување на малите пациенти во овие предновогодишни денови.
-Да подариме насмевка… Волонтерите на Тимот за одговор при катастрофи – Тим за спасување на планина, облечени во костимите на детските херои, Спајдермен, Бетмен, Мини Маус и Супермен, а потпомогнати од Дедо Мраз, со јажиња се спуштија на Клиниката за детски болести во Скопје. На малите пациенти им подарија насмевки и новогодишни пакетчиња за претстојните празници. Настанот се одржува по петтии пат и е традиционална активност на Црвениот крст на град Скопје. Секогаш во служба на хуманоста!, стои во известувањето од Црвен крст на град Скопје.