Македонскиот репрезентативец, Андреј Јакимовски го доигра најефикасниот меч во НЦАА лигата, ама неговиот Колорадо не успеа да направи уште едно изненадување и претрепе пораз од Хјустон во четвртфиналето на БИГ-12 турнирот што се игра во Канзас Сити.
Јакимовски експлодираше на дуелот со првиот носител, беше најдобар играч на теренот со 25 поени, 8 скока и 4 украдени топки, меѓутоа немаше соодветна поддршка од соиграчите да се шокираат Кугарс кои на крајот триумфираа со 77:68.
Андреј имаше одлични настапи на турнирот против TCU (Ти-Си-Ју) и Вест Вирџинија.
Останува да се види кој ќе биде следниот чекор на момчето од Крива Паланка, односно каде ќе ја продолжи кариерата во наредната сезона.
