Американскиот претседател Доналд Трамп изјави дека Хамас ќе биде „искоренет” доколку не го почитува договорот за прекин на огнот во Појасот Газа, еден ден по извештаите за нови напади во кризното подрачје.
„Имаме договор со Хамас дека ќе се однесуваат пристојно, а ако не го сторат тоа – ќе ги искорениме доколку биде потребно”, изјави Трамп.
Израел тврди дека во неделата извршил напади во Газа како одговор на напади од Хамас, што милитантната група го негираше. Цивилната заштита во Газа соопшти дека во бомбардирањата загинале најмалку 45 Палестинци.
