Убиено 22-годишно момче во тепачка меѓу две семејства во Струмица

Едно лице е убиено а три други се повредени во тежок инцидент што се случи синоќа во Струмица. МВР потврди дека синоќа се случил иницидент на  улица „Бетовенова“ во Струмица, а полицијата презема мерки за расчистување на случајот.

Директорката на струмичката болница Катерина Кузмановска потврди дека момче на 22-годишна возраст синоќа е донесено во болницата во безживотна состојба. Во тепачката меѓу две семејства биле повредени и еден шеснаесетгодишен малолетник и две жени. Повредените се надвор од животна опасност.

Од полицијата повеќе информации за настанот најавуваат за денеска.