Удирањето со пендрек на Филип Талески не било пријавено, МВР оформи предмет за случувањата на финалето на Куп на Македонија

Одделот за внатрешна контрола при МВР оформи предмет за случувањата на финалето на КУП на Македонија.

-По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица, соопшти МВР.

По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагирало обезбедувањето на натпреварот, а потоа од страна на полициски службеник од полициската станица од општа надлежност Охрид се преземени физички мерки.

По службена должност, Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот.

Медиумите објавија снимка од која се гледа како ракометарот на Вардар, Филип Талески, синоќа беше удрен со пендрек од страна на полицаец, за време на натпреварот кој се играше со Пелистер. За време на полициска интервенција поради помали инциденти, од снимката се гледа како полициски службеник замавнува со пендрекот и го удира ракометарот, по што следува и негова реакција.

Претходна вест​Во Кисела Вода поставен споменик на загинатиот бранител во Диво насеље Љубиша Аранѓеловиќ
Следна вестМомче од Велешта загина на влезот во селото, уште шест лица повредени во две сообраќајки во струшко