Заврши скринингот на населението во Трубарево по големиот пожар што ја потресе оваа скопска населба.
Вчера, како што објасни министерот Алиу биле прегледани над 100 лица на двата пункта во Трубарево, од кои осум биле упатени на Клиниката за пулмологија поради хронични заболувања, за кои подолго време не направиле контролни прегледи.
Според информациите од тимовите на Клиниката, кај дел од пациентите биле забележани симптоми како отежнато дишење, сува кашлица и стегање во градите, а кај други бил дијагностиран и покачен крвен притисок.
Најголем дел од упатените пациенти веќе имале хронични заболувања, кои се влошиле поради загадувањето.
