Вработени од „Паркови и зеленило”, „Флораком” и „Луна” организирани од Независниот синдикат на државната администрација на раководството на јавното претпријатие му дадоа рок до 28-ми овој месец да им исплати плата за септември, во спротивно ќе ја активираат одлуката за штрајк.
„Секој ден бараме прием и се уште не не примиле на разговор. Немаат волја за разговор и затоа ние мораме правото да го остваруваме на улица”, изјави Горан Ристевски, претседател на гранскиот синдикат.
И минатиот месец, вработените во овие скопски јавни претпијатија плата добија по повеќедневен штрајк и блокирање на крстосници во центарот на Скопје.
МОЖЕБИ ЌЕ ВЕ ИНТЕРЕСИРА:
