Премиерот Димитар Ковачевски, вицепремиерот за економски прашања Фатмир Битиќи и министерката за труд и социјална политика Јована Тренчевска попладнево ќе седнат на маса со Сојузот на пензионери и Партијата на пензионерите.
Со овој состанок, како што велат од Владата, продолжува дијалогот за предлог-новата методологија за покачување на пензиите.
Дијалогот почна на 18 февруари годинава кога во Владата се одржа првата отворена среба за новата методологија која треба да понуди одржлив и континуиран раст на пензиите. Според Владата, се очекува методологијата да ја одржи постигнатата стабилност на Пензискиот фонд.